Nairekord ti panagngato ti seismic activity iti Bulkan Taal idiay Batangas kalpasan a makairekord ti Philippine Institute of Volcanology and Seismology (Phivolcs) dagiti ad-adu pay a panagdayyeg iti napalabas nga duapulo ket uppat nga oras.
Pinasingkedan ti Phivolcs a nairekord ti 61 volcanic earthquakes ken 60 volcanic tremors a nagpaot iti maysa agingga tallo a minutos ti tunggal maysa.
Nangatngato daytoy no ikumpara kadagiti immuna nga aldaw no sadino uppat laeng ti volcanic earthquakes ti nairekord.
Iti baet ti panagngato ti aktibidad, agtaltalinaed nga Alert Level 1 ti Bulkan Taal, kayat na sawen, bassit ti tsansa na ti volcanic unrest.
Inlawlawag ti Phivolcs a saan na a kayat a sawen a ti agdama nga alert status ket normal manen ti kondision ti bulkan wenno maikkaten ti posibilidad ti pangta nga aktibidad.
