--Ads--
VIGAN CITY – Nagsagaba iti tama ti paltog ti naduma-duma a paset ti bagi ni Raymund Utrera, agtawen ti tallo pulo ket uppat ken maysa a security guard a taga Barangay Patong , Magsingal.
Segun ken ni Police Captain Mark Lagman, hepe ti Magsingal municipal police station, naawanan iti poot ti biktima idi napaltugan isu a saan nga insigida a nakapagreport kadagiti otoridad.
Ngem idi nakapuuten ti biktima, nagpaarayat nga insigida kadagiti kalugaran na ket naipan idiay Magsingal District Hospital para iti naan-anay a pannakataming na.
Ti agdama, agim-imbestigar pay laeng dagiti otoridad inaig iti pasamak tapnu maamuan nu siasino dagiti suspek ken nu apay a pinaltugan da ti biktima.
-- ADVERTISEMENT --
