Naiserbi ti search warrant operation kontra ken ni alyas Jeff, agtawen iti limapulo, construction worker nga agnaed idiay Barangay Sta. Monica, Magsingal gapu iti panaglabsingna iti Republic Act 9165 wenno Comprehensive Dangerous Drugs Act of 2002.
Babaen ti panagtitinnulong dagiti otoridad ket naimplementar iti search warrant operation nga inruar ti presiding judge iti Regional Trial Court Branch 24 a napetsaan idi February 14, 2025.
Naala iti tallo a piraso ti heat sealed transparent plastic sachet a naglaon iti mapapati a shabu a naipan iti pusporo nga agdagsen iti 4.0 a gramo nga aggatad ti P27,200; sangapulo nga opened transparent plastic sachet a naglaon iti mapapati a shabu residue; tallo a piraso iti improvised straw scoop ken maysa a piraso iti tooter a naglaon iti mapapati a shabu.
Dagiti non-drug evidence a naala ket walo a piraso ti unused tooter, uppat a getteng, dua a cellphone, dua a lighter, maysa a wooden stick, maysa a color brown box, dua a pusporo, maysa a pakete iti bassit a transparent plastic ken maysa a tolyo iti aluminum foil.
Iti pannaki-uman ti Bombo Radyo Vigan ken ni PLT Richard Pajo nga Officer In Charge iti Magsingal Municipal Police Station, manarimaanen ti panangiprosesoda kadagiti naala a drug evidence tapno maidalan iti test.
Kiddaw ni Pajo iti pannakitinnulong dagiti umili babaen ti panangipakaammoda nu adda madlawda a madi nga aktibidad a maar-aramid iti lugarda tapno matignayan dagiti kapolisan.
