VIGAN CITY – Balligi ti pannakaisayangkat ti Search warrant operation inaig iti illegal a panag-ikot ti paltog ken bala ti maysa a lalaki ili ti Sta. Catalina.
Nabigbig ti suspek a ni Laurente Racho y Raquepo a.k.a. Florante Racho “MITTI”, agtawen ti innem a pulo ket tallo, naasawaan, PWUD, ken agnaed ti Barangay, Pangada, Sta Catalina, Ilocos Sur.
Nakakumpsikar kenkuana dagiti pannakabagi ti linteg ti uppat piraso bala para ti Calibre 45, maysa a color black holster ken maysa nga sling bag.
Iti pannakiuman ti Bombo Radyo Vigan kenni PLT. Christopher Bueno, Hepe ti Sta Catalina MPS, inamin ti suspek a kukua na ti bala ngem daytoy ket ikot na palang sipud idi adda paylaeng isuna iti serbisyo ti Philippine Constabulary.
Maipila kontra ti suspek ti panaglabsing ti RA 10591 ken adda isuna ti kustodiya ti Sta Catalina Municipal Police Station. – MJC
