Agtultuloy a sapsapulen dagiti otoridad ti maysa a lalaki a naipakaammo a mapukpukaw kalpasan ti panagdinnungpar dagiti dua a bangka iti paset iti Burias Island, Masbate.
Segun ti Philippine Coast Guard (PCG), maysa a motorbanca ti maar-aramat a pagkalap ken maysa a saan a nabigbig a vessel iti nainaig ti collision idi August 10.
Naglugan iti motorbanca nga MBCA Dandan ni Roland Marientes, agtawen iti tallopulo ket pito ken kabsatna a ni Roldan nga agtawen iti duapulo ket tallo.
Maibasar iti imbestigasyon, mamaturog dagiti dua idi naidungpar iti naglugananda a bangka, naisalakan ni Roland idinto a masapsapul ti kabsatna a ni Roldan.
Makikamkammayet ti Coast Guard Sub-Station idiay San Pascual, Masbate iti dadduma pay a mangngalap kadagiti kaasidegda a barangay.
