Nagpanawagan ti Department of Social Welfare and Development (DSWD) kangrunaan ti National Authority for Child Care (NACC) kadagiti social media platforms kas ti Meta nga ingitan ti panagtutok ti online baby selling ken illegal adaption groups.
Segun ken ni Rowena Macalintal, makikammkammayeten iti ahensya ti Philippine National Police (PNP) ken Women and Children Protection Center tapno tutokan dagiti Facebook groups nga agilaklako iti ubbing ken agpro,-promote iti online adoption.
Umabot ti presyo dagiti maladaga manipod P8,000 agingga P130,000 ken adda sumagmamano a grupo ti nasurok 13,000 ti miembrona.
Inlawlawag ni Macalintal a saan a mabalin nga ikkaten amin a grupo ta manarimaan ti ongoing law enforcement operations ken entrapment activities.
Kabyatanna, agpada a madusa ti sellers ken buyers iti salinong ti linteg gapu iti illegal nga online adoption iti Pilipinas.
Impaganetget ti opisyal a ti lehitimo a proseso ti adoption ket agpapaut laeng iti nasurok-kumurang siam a bulan no sumurot iti amin a dokumento ken wagas.
