VIGAN CITY- Sangapulo ket maysa iti nakemmeg idinto nga uppat iti nakalibas iti naisayangkat nga anti-illegal gambling operation idiay Brgy. Sabangan Bato, Galimuyod.
Dagiti suspek ket da Albert Ladangan Ramirez, agtawen ti uppat a pulo; Jordan Silva Del Rosario, agtawen ti duapulo ket innem; Boots Danglosi Valdez, agtawen ti tallopulo ket lima; Jomar Dantes Del Rosario, agtawen ti tallopulo ket tallo; Jerson Nantes Del Rosario, agtawen ti tallopulo nga agpapada nga agnaed idiay Brgy. Sabangan bato, Galimuyod; Reygie Catbagan Dacanan, agtawen ti uppat a pulo ket dua; Jessie Tumacdang Marbil, agtawen ti uppat a pulo nga agpada nga agnaed idiay Barangay Bitong, Galimuyod; Marlon Loglogo Del Rosario, agtawen ti limapulo; Roland Del Rosario Gamueda, agtawen ti uppat a pulo ket pito; Julio Remolacio Valdez, agtawen ti limapulo; Wilmer Tabaco Del Rosario, agtawen ti uppat a pulo ket tallo nga agpapada nga agnaed idiay Barangay Bidbiday, Galimuyod; idinto a dagiti nakalibas ket da Reynaldo Gapate ken Domingo Loglogo nga agpada nga agnaed idiay Brgy. Sabangan Bato; da Elmer Sumakaib ken Hector Sumakaib nga agpada nga agnaed idiay Brgy. Bidbiday iti nasao nga ili.
Naisayangkat ti anti-illegal gambling operation iti nasao a barangay a gappuanan ti pannakakemmeg dagiti suspek ta naaktoan ti panagay-ayamda iti Pusoy iti maysa a natayan.
Naala kadakuada iti maysa a set iti baraha, maysa a lamisaan ken pusta nga aggatad ti P3,156 pesos.
