--Ads--
VIGAN CITY – Negatibo iti swab testing dagiti sangapulo ket maysa a kameng ti pamilia ken kabbalayna ti maikalima a kaso ti Covid19 a taga-Iboy, San Ildefonso a maysa a security guard idiay Bantay.
Mapapati nga iti trabahona ti nakaalaan ti pasyente ti virus ta awan met ti travel history-na iti sabali a lugar ken awan ti sintomasna iti nasao a sakit.
Nupay kasta, maobserbaran latta kabayatan iti panagquarantine-da iti sangapulo ket uppat nga aldaw dagiti dadduma pay a nakapulapol ti pasyente.
Malaksid iti dayta, agtalinaed pay laeng ti extreme enhanced community quarantine iti lugarda agingga inton July 25.
-- ADVERTISEMENT --
