VIGAN CITY – Nagpalagip ti San Juan Municipal Police Station kadagiti umili ti masakopanda a sakbay da nga agaramid ti maysa a banag a saan a nasiat ket panunuten da iti ado a daras.
Iti pannaki-uman ti Bombo Radyo Vigan kenni Pol. SSgt. Judy Aguilar ti San Juan PNP, amin a problema ket adda ti solusyonna kasaruno iti napasamak a panagpangamatay ti masakopanda a mapapati a nagparikot ti utang ti biktima.
Rimmuar ti imbestigasyon ti PNP a sakbay ti insidente ket nakitada palaeng idi kalman oras ti alas syete ti bigat nga agsagsagad ni Marideth Friala agtawen ti lima pulo ket uppat agnaed ti Brgy. Bannuar, San Juan agingga oras ti alas nuebe ket nakaawatda ti report a nagpakamatay ti biktima.
Innayon ni Aguilar a maysa a kitkitaenda a rason ti pasamak ket ti utang ti biktima a saanna a mabayadan ken kagiddanna iti panagsagabana ti sakit a diabetes, hypertension ken depressed.
Pinasingkedan ti imbestigador a kalaksidan ti utangna ti bangko adda pay ti utangna a sabali a tao nga umabot ti dua pulo a ribo a pisos ta nagpatulong kadakuada ti agsingsingir kenkuana.
