Pinasingkedan ni Senator Grace Poe nga umabot ti maysa a million ti unresolved cases a maiyururay a maresolba kadagiti korte ti pagilian.
Kabayatan ti debate ti Senado maipapan iti badyet ti 2025, indatag ni Senador Poe, sponsor ti judiciary project, dagiti makapadanag a bilang.
Karaman iti backlog dagiti kaso manipud iti Korte Suprema, Court of Appeals, Regional Trial Courts, ken nadumaduma pay a korte iti intero a pagilian.
Inyuanay-unay ti senador a manamnama a risuten dagiti judges dagiti kaso iti uneg ti 90 nga aldaw ta no saan ket agresulta ti administrative charges.
Nasurok a 150 a judges ti agdama a sumangsango iti nasao a reklamo gapu iti backlog.
Ububraen metten ti Philippine Government a mataming iti isyu babaen ti technological advancements ken digitalization dagiti court processes.
Nupay kasta, ti nakaad-adu nga unresolved cases ket agtalinaed a dakkel a karit para iti judiciary.
