VIGAN CITY – Inlawlawag ni Cheryl Pestanio, Program Manager ti Department of Interior and Local Government- Ilocos Sur nu apay a ti laeng Sta. Maria iti saan a naikkan ti 2019 Seal of Good Financial Housekeeping Award.
Adda dagiti criteria a pagibasaran ti DILG kadagiti ikkan da iti nasao nga award a kas kuma iti pannakaipasa iti most recent wennu kaudian nga audit opinion ti Commission on Audit ken compliance ti full disclosure policy a daytoy iti mangibilbilin kadagiti amin a local government unit a maidisclose dagiti financial documents tapnu maamuan dagiti kalugaran da nu kasanu iti pannakaimanehar wennu kasanu iti pannaka-usar iti pondo ti ili.
Kas paset ti compliance ti full disclosure policy, masapul a dagiti financial documents a buklen ti sangapulo ket uppat ket masapul a maipost kadagiti tallo a lugar a kanayon a pappapanan dagiti tattao tapnu mabasa da.
Segun ken ni Pestanio, ti maikadua a criteria iti saan a nakumpleto iti ili a Sta. Maria agsipud ta mamaysa laeng a lugar iti nakaiplastaran da kadagiti financial documents a masapul a makita dagiti tattao imbes a tallo kuma.
Nu pay kasta ket adda met ti post compliance a mabalin da nga ubraen ta nu anya ti saan da a natungpal isu ti aramiden da, ag-letter request ni mayor a nakanagan ti regional director ti DILG a mangipakita a naaramid dan iti pagkurangan da ta idiay DILG –Regional Office iti paggapuan ton iti mapan agvalidate nu pudno met laeng a nakapag-comply da.
