Isingsingasing da Leyte Rep. Ferdinand Martin Romualdez ti gakat a mangipasdek ti National Oral Health Program tapno mairaman ti dental service iti kangrunaan a sistema ti salun-at ken mapalawa ti access kangrunaan kadagiti kurang iti medical service na.
Karaman iti author ti gakat da Representatives Yedda Marie Romualdez, Andrew Julian Romualdez, ken Jude A. Acidre ti Tingog Party-list.
Iti salinong ti House Bill No. 4691, mabigbig a napateg a paset ti kabuklan a salun-at ti oral health.
Segun ken ni Romualdez, gagem ti gakat nga aramiden nga accessible ti dental service kangrunaan kadagiti ubbing, masikug ken senior citizens.
Maipasdek ti National Oral Health Program a mangpalawa ti basic dental services kas ti check-up, cleaning, pasta, ken panagpapag-ot ken mairaman daytoy iti programa ti gobierno kas ti Universal Health Care Act.
