--Ads--
Kinumpirmaran ti Philippine Coast Guard (PCG) ti nasarakan a tumtumpaw a rocket debris nga adda marka ti bandera ti China idiay kabaybayan ti Pangutaran, Sulu.
Impakaammo ti PCG a ginoyud dagiti mangngalap ti rocket debris asideg ti Barangay Suang Bunah nga adda itan iti kustodiya ti barangay.
Madama ti koordinasion ti Coast Guard Station Western Sulu kadagiti barangay official’s para ti pannaka-iyakar ti debris iti kustodiya ti ahensia para iti nasayaat a handling ken disposition.
Mainaig ti daytoy, kinarit ti ahensia iti publiko a dagus nga ag-report kadagiti otoridad no adda makitada nga aniaman a banag kadagiti kabaybayan tapno masigurado ti kinatalged ti tunggal maysa.
-- ADVERTISEMENT --
