Rinibo a tattao iti nakipaset kadagiti anti-immigration rally iti agduduma a paset idiay Australia ta kondenarenda iti gobierno kas ti Labor agencies iti panangidaulo ni Prime Minister Anthony Albanese.
Segun ti gobierno, ti rally ket mangitunda laeng iti rurod kadagiti grupo ti neo-Nazi.
Naammoan a naisayangkat dagiti kilos-protesta iti grupo a “March for Australia” idiay Sydney, Melbourne ken dadduma pay a siudad, bitbitda iti panawagan nga isardeng ti mass immigration a mapapati a mangpakpakaru iti parikot iti trabaho, pabalay, trapiko, serbisyo medical ken seguridad.
Segun ken ni Murray Watt a maysa a senior minister, ti addang ket saan a panagkaykaysa nu diketdi pannakadadael iti komunidad ta dagiti demonstrator ket adda pakainaiganda kadagiti neo-Nazi.
Idi Sydney, mapatta-patta a 5,000 agingga 8,000 a tattao iti dimmar-ay iti rally idinto maysa a counter-protest iti Refugee Action Coalition iti naisayangkat a nakipasetan iti adu a tattao.
