VIGAN CITY – Rinibo a baro a pagsapulan iti manamnama a malukatan ditoy pagilian kagiddan iti nakasagana a pannakaipatakder iti kaunaan a fiberglass rebar plant babaen kadagiti Korean investors ditoy Pilipinas, nangruna idiay Narvacan, Ilocos Sur.
Dayta iti kinumpirmaran ni dati nga Ilocos Sur governor- incoming Narvacan mayor Luis “Chavit” Singson.
Idi June 1, nagdiretso ni Singson, kadua na ti putot na a ni Christian Singson idiay Busan, South Korea tapnu makitaripnong kadagiti Korean business partner na para iti nasao a proyekto.
Naggapu da Singson idiay Tokyo, Japan ta karaman da iti delegasyon ni Presidente Rodrigo Duterte nga immatendar iti 25th International Conference on the Future of Asia.
Nagsasango a nangrabii idiay Busan Seafood Market da Singson, pakairamanan iti akin-kukua ti CPT-Rebar Korea, dagiti engineers ken dagiti uppat a managers na a naggapu idiay Narvacan kas maibasar iti ladawan nga inpatulod ni Singson ken naipost iti internet.
© Luis “Chavit” Singson
Malaksid iti rinibo a pagsapulan, manamnama a ti nasao a planta iti mangpababa iti presyo dagiti materyales iti panagpaitakder kadagiti pasdek ken pagtaengan ditoy pagilian, pati kadagiti kalsada ken rangtay.
Immunan a kinumpiramaran ti politician-businessman a nairaman iti nasao a proyekto kadagiti trinabaho na idi simmurot ken ni Presidente Duterte idi napan idiay South Korea idi napalabas a tawen.
