Impannakkel ni House Prosecution ken Bicol Saro Partylist Rep. Terry Ridon a napaay ti depensa a mangdadael ti kredibilidad ni Commission on Audit-Intelligence and Confidential Funds Audit Office (COA-ICFAO) supervising auditor Xylene Mae del Campo.
Segun ken ni Rdion, agtalinaed a natibker ti testimonia ni del Campo iti impeachment trial maipanggep iti madi a panagaramat ni Vice President Sara Duterte iti confidential Fund a P612.5 million.
Impaganetget ni Ridon a nalawag kadagiti sarita ni Del Campo a linabsing ti Office of the Vice President ken Department of Education iti salinong ti panangidaulo ni VP Sara dagiti restrictions kadagiti aktibidad ken dagiti banag a mabalin a paggastosan iti confidential funds.
Dinakamat ni Ridon nga uray naaddaan ti surveillance activities wenno confidential funds a maar-aramatan ti confidential funds ngem saan met nga umdas ti pammaneknek a naisayangkat wenno nagballigi.
