VIGAN CITY- Agtultuloy iti imbestigasyon iti kameng ti Sta. Lucia PNP inaig iti pannakapapatay ti retired US teacher idiay Sta. Lucia, Ilocos Sur.
Nabigbig ti biktima a ni Felix Bernales, agtawen iti 70 , naasawaan ken residente ti Nagtablaan, Sta. Lucia.
Segun ken ni Sta. Lucia Deputy chief-of-police Pinsp. Jose Dingayan, nakalugan ti biktima ti tricycle a minaneho ni Florendo Valdez ta naggapu da ti farm nga ipapaaramid na ket idi nakadanun da ti nagbeddengan ti San Pedro ken Nagtablaan , pinanakpak dagiti saan a nabigbig a suspek ti biktima isu a nagsagrap ti lima a tama ti paltog iti bukot ken dua a tama ti ima a poun iti nakatayanna.
Kinuna pay ni Dingayan a segun kadagiti kakabagyan da ket nga awan iti kinariri ti biktima ta nabiit da pay laeng a simmangpet manipud Amerika.
