VIGAN CITY – Maiyur-uray ti resulta dagiti naala a sample kadagiti pasyente a mapapati a nakaptan ti leptospirosis iti ili ti Santa kalpasan a nakarekorden ti uppat a bilang ti natay pakairamanan ti maysa a kapitan
Iti pannakiuman ti Bombo Radyo Vigan kenni Dr. Marilou Cardenas, dagiti uppat a biktima ket natay gapo iti kidney failure .innayonna a nangrugi dayta idi November 1 nga adda iti pasyente a nagsakit tiyanna, nagibbleng ken saan a makaisbo agingga nga adda simar-sarunon a naiyospital nga addaan metlaeng ti sintomas ti nasao a sakit
Sangapulo ket dua ti naibilang a suspected case ti naiyospital ken naamuan nga agpapada a dimmalan iti maysa a libtong idi napanda nagkalap nga isu iti mapapati a nagtaudan ti sakit
Kabayatanna, nagalerton ti lokal a gobierno ti Santa ket sigida a nangiyuswatda ti imbestigasyon kasta pay a nangbalaybalayda tapno amuen nu adda dagiti umili nga addan pay ti sintomas ti nasao a sakit
