VIGAN CITY – Maiyur-uray iti resulta ti laboratory examination dagiti maatap a shabu nga aggatad ti nakurang a maysa a milyon a pisos a naala a dagiti pannakabagi ti linteg ti Tagudin iti naisayangkat a buy bust operation idiay Brgy. Del Pilar.
Ti nasao nga operasyon ket indaulwan ti Tagudin municipal police station ken dagiti sabali pay a law enforcement unit ditoy probinsiya a nakakemmegan da Xandrex Albay nga agtawen ti tallo pulo ket dua kenni Jimyr Beninsig nga agtawen ti dua pulo ket dua nga agpada a taga- Batangas St., Tondo, Manila.
Naala kadagiti dua ti innem a gasut ket lima pulo ribo a pisos a gatad iti iligal a droga, sangapulo ket uppat heat sealed transparent plastic sachet nga agdagsen ti sangagasut a gramo, pito pulo ket walo ribo a pisos a boodle money ken sangaribo a pisos a genuine money.
Mapapati a dagiti dua ket miyembro ti illegal drug group a konektado ti drug trafficking ditoy probinsiya.
