Pabor ni Batangas 2nd District Representative Gerville Luistro iti pananglukat ti pre-trial conference iti impeachment complaint kontra ken ni Vice President Sara Duterte iti media ken publiko.
Maipalagip a saan a linukatan iti media ti immuna a pre-trial ti kaso ni VP Sara ken dagiti sumagmamano a paset laeng ti session ti napalubosan nga i-cover ti media, kas ti roll call kadagiti immatendar nga abogado.
Masapul met a maawatan ti publiko ti pondo ti impeachment court no apay a pinili a saan a lukatan iti publiko dagiti mapaspasamak iti nadakamat a proseso.
Segun ken ni Luistro, na-trabaho ti pre-trial conference kangrunaan iti panag-marka dagiti ebidensia, isu a posible a laglagipen daytoy ti impeachment court.
Inton sumaruno a lawas ket nakatuding manen ti maysa a conference ket manamnama nga agsango ti prosecution ken defense panel iti Senado.
