Inkalintegan ni Senador Christopher Bong Go a nasken nga agtuloy dagiti reporma iti Philippine Health Insurance Corporation (PhilHealth) tapno masigurado a maganar met laeng ti amin a Pilipino, nangruna kadagiti marigrigat ken dagiti adda iti marginalized sector ti serbisyo a para iti salun-at.
Kangrunaan a dakdakamaten ditoy ni Go ti suporta iti nailawlawa a benepisyo para kadagiti pasyente a dumaldalan iti kidney transplant.
Iti salinong ti baro a package, ngimmato ti financial coverage ti Philhealth para iti kidney transplant manipud ₱600,000 nga agbalinen a ₱2.1-M.
Naingato pay ti suporta iti dialysis iti nasurok P1M kada pasyente, nga ita ket karamanen dagiti kangrunaan a laboratory test ken maintenance medicines, dagiti gastos a masansan a padagsen kadagiti pamilia.
Kas Chairperson ti Senate Committee on Health, nakaragsakan ni Go dagiti addang ngem impaganetgetna a kasapulan a masigurado a naurnos ti pannakaipatungpal ti linteg iti komunidad.
