--Ads--
Nakasaganan ti rinibo a relief goods para kadagiti agindeg ti Eastern Visayas a mabalin a maapektaran iti bagyo Tino.
Segun iti Coast Guard District Eastern Visayas, kadua ti Deployable Response Group ti Philippine Coast Guard, Coast Guard Station Eastern Leyte, ken dadduma pay a kameng ti Philippine Army, nasapada a nangisayangkat iti relief assistance operations.
Nasurok 11,000 a food packs manipud iti Department of Social Welfare and Development Regional Resource Operations Center ti naisagana ket naibaba manipud kadagiti trak.
Maipatulod dagitoy iti ili ti Southern Leyte ken Biliran, kas paset iti addang a mangsigurado iti nasapsapa a tulong no bilang sumangbay ti bagyo.
-- ADVERTISEMENT --
