VIGAN CITY – Kayat ni Queen Elizabeth II nga awan ti awan ti agisuot iti military attire iti tabon ni Prince Philip inton Sabado, April 17 kas pinasingkedan ni Bombo International Correspondent Gene Alcantara, Immigration Adviser idiay London, United Kingdom.
Iti pannaki-uman ti Bombo Radyo Vigan ken ni Alcantara, dayta ket kas panangrespeto ken ni Prince Harry a naikkatan iti royal duties gapu ti isyuda iti asawana a ni Meghan Markle.
Malaksid ti dayta, bambantayanda ti Duke of York a ni Prince Andrew a saan a maiparang pay iti publiko ta naalas ti reputasyonna gapu iti pannakatay ti pedophile a barkadana a ni Jeffrey Epstein iti pagbaludan.
Nupay kasta, agsagsaganan ti United Kingdom iti panagtabon ti prinsipe ken iti agdama, adda latta dagiti mapmapan a mangisagsagut iti sabung wenno ay-ayam iti bangkayna idiay Buckingham palace.
