--Ads--
Kinumpirmaran ni Philippine National Police Spokesperson PBGen. Jean Fajardo a dagus a naikkat iti puesto ti maysa a pulis idiay Lavezares, Northern Samar.
Dayta ket kalpasan ti panag-viral ti video a pakabuyaan nga inaramatna ti service firearm-na kas ‘go signal’ iti karera ti bangka iti maysa a piesta.
Nairaman pay a na-relieve iti puesto ti hepe ti nasao a pulis.
Segun ken ni Fajardo, nalawag a panaglabsing iti protocol ti inaramid ti pulis ta ti service firearm ket para laeng kadagiti lehitimo nga operasyon ken saan a para iti seremonya wenno ania man a non-operational activities.
-- ADVERTISEMENT --
Nagballaag ti PNP a saanda a palabsen ti kastoy nga aramid ken adda panusa iti asino man nga aglabsing.
