Nakikaysa ni Presidente Ferdinand Marcos Jr iti Muslim community iti panangrambak ita nga aldaw ti Eid’l Adha wenno Feast of Sacrifice.
Iti official statement ti presidente, impanawaganna a pagpanunotan no ania ti pudno a mangpapigsa iti maysa a pagilian ta kunana a saan a pagibasaran ti kinaadu a pigsa a maipaay, no di ket iti pananangipateg dagiti umili iti dayaw imbes a panangiyaleng-aleng, hustisia imbes a kinamanagbaybay-a, ken kinapakumbaba imbes a kinaawan iti interes.
Segun ken ni Marcos, daytoy nga aldaw ti palagip iti pudno a debosyon iti baet dagiti baro a karit.
Inallukoyna dagiti amin a Pilipino, ania man ti relihionda nga awaten ti karit ti panawen ken pagbalinen nga inspirasyon ti kaipapanan ti sakripisyo a maramrambakan iti Eid’l Adha.
