Inaprubaran ti bicameral conference committee ti reconciled version ti gakat a mangpalawa iti Private Basic Education Voucher Program.
Daytoy ket maysa nga addang a gagem na a palawaen ti access iti dekalidad a basic education ken maikkan ti ad-adu a pagpilian dagiti pamilia a Pilipino.
Pinagtulag ti bicam ti House Bill No. 4744 at Senate Bill No. 1981 kalpasan a pagparisen ti probision ti dua a gakat, uray nalpasen ti First Regular Session ti 20th Congress.
Segun ken ni House Speaker Faustino “Bojie” Dy III, gagem ti gakat a maikkan ti gundaway dagiti ad-adu nga estudyante a maka-adal kadagiti pribado a pagadalan aniaman ti kasasaad da iti pinansyal, bayat a mabigbigbig ti napateg nga akem ti private schools kas kadua ti gobierno iti panangted ti dekalidad nga edukasion.
Ti panangpapigsa iti voucher programa ket mangted ti ad-adu a pagpilian dagiti nagannak ken nadakdakkel nga oportunidad kadagiti annak-da a makaawat ti dekalidad nga edukasion.
