--Ads--
Sumangpet iti pagilian ni German President Frank-Walter Steinmeier para iti maysa nga Official State Visit inton Hunyo 15 ken 16 ti agdama a tawen.
Personal a pasangbayan ni Presidente Ferdinand Marcos Jr. ti lider ti Federal Republic of Germany idiay Malakanyang tapno trataren ti panangpapigsa ti relasion ti dua a pagilian.
Pakairamanan ti tutukan dagiti dua a lider ti taripnong da ti kooperasion iti ekonomiya, panagpuonan, climate change, ken dagiti pagimbagan dagiti Pilipino a mangmangged, partikular dagiti adda iti sektor ti salun-at idiay Germany.
Ti panagbisita ket gagemna a patibkeren ti diplomatiko a relasion ti Pilipinas ken Germany kasaruno ti panagbisitani presidente Marcos idiay Berlin idi tawen 2024.
-- ADVERTISEMENT --
