Personal a binisita ni Pres. Ferdinand R. Marcos Jr. iti Camp Ricarte Station Hospital idiay Puerto Princesa City dagiti dua a kameng ti Philippine Navy a nadunor bayat ti panagakemda iti trabaho iti Ayungin Shoal idiay West Philippine Sea.
Kas panangbigbig iti kinaturedda nga agserbi iti pagilian ket inikkan ti presidente daiti dua a suldado iti Order of Lapu-Lapu.
Malaksid dayta ket naikkanda pay iti tulong pinansial nga aggatad ti P100,000.
Impaay pay ti presidente ti sibubukel a suportar ti gobierno kadagiti miembro ti Armed Forces of the Philippines nga agtultuloy a depdepensaran ti soberanya ken dagiti karbengan iti pagilian.
Maipalagip a nadunor dagiti dua gapu iti naranggas a konprontasyon iti nagbaetan iti Philippine Navy ken China Coast Guard personnel iti asideg ti BRP Sierra Madre idiay Ayungin Shoal idi July 20.
