Saanen nga ipalubos ni President Ferdinand Marcos Jr. nga agtultuloy nga agraira dagiti kaso ti kinapping iti pagilian.
Dayta iti pinasingkedan ti Malakanyang kasaruno ti pannakadukot ken panangpatay iti negosyante a ni Anson Que iti baet ti buteng ti Filipino-Chinese community iti sangapulo ket dua nga insidente iti panagdukot iti dadduma a Chinese ita a tawen.
Segun ken ni Palace Press Officer Claire Castro, ipatutok ni President Marcos iti imbestigasyon ken panangsolbar dagiti kaso ti kidnapping tapno malabananen ti nasao a klase ti krimen.
Ingkari ti Malakanyang a saanda a baybay-an ti kaso a pannakatay ti Filipino-Chinese Businessman nga immunan a naireport a nadukot.
Iti agdama, kinuna ni Castro a nakatutok ti Philippine National Police (PNP) iti kaso ni Que.
VIDEO – PALACE PRESS OFFICER CLAIRE CASTRO
