Nakipagladingit ni Pres. Ferdinand Marcos Jr. iti pannakatay ni Pope Francis nga ay-ayaten dagiti Pilipino ken nasikat iti awag a Lolo Kiko.
Inladawanna ti Santo Papa a napudno a manangisakit, napakumbaba ken ammona nga ipateg iti padana.
Segun ken ni Pres. Marcos, maladingitan la unay iti pannakatay ni Pope Francis ta isun ti kasayaatan a Santo Papa a naam-ammona.
Sakbay a natay ni Pope Francis ket nagparang iti publiko idiay St. Peter’s Square ken nagmensahe bayat ti Easter Sunday.
Pimmusay ti Santo Papa iti tawenna a walopulo ket walo idi kalman, April 21, 2025 iti oras iti alas syete trentay singko, oras idiay Rome, Italy.
Ni Pope Francis ket naiyanak a Jorge Mario Bergoglio ket nagbalin a Santo Papa idi March 13, 2013, isuna ti kaunaan a Santo Papa manipod Latin Amerika ken umuna a Jesuit a nagtakem iti kangatoan a posisyon iti simbaan.
2015 idi bimmisita ditoy Pilipinas kalpasan iti panagduprak iti Super Typhoon Yolanda idi 2013.
