Binigbig ni President Ferdinand Marcos Jr. iti kinabannuar dagiti ancestor iti pagilian kagiddan ti panawagan a panagkaykaysa ken panagturong iti kinadur-as ita a maika-sangagasut duapulo ket pito nga anibersaryo iti waya-waya iti Pilipinas.
Impaganetget ni President Marcos iti kinapateg ti akem dagiti bannuar a nangibuwis iti biagda para iti pagsayaatan iti pagilian idi 1898 idiay Kawit, Cavite.
Kinunana a ti waya-waya a ganganaren dagiti Pilipino ita ket resulta iti sakripisyo ken kinabannuar dagiti nagkauna a henerasyon.
Segun ti presidente, rumbeng nga itultuloy iti baro a henerasyon ti kinatured nga impakita dagiti ancestor bayat iti panangilabanda iti pagilian para kadagiti kayatna a pakapsoten ti pigsa nga adda kadakuada.
Inallukoy ti presidente dagiti Pilipino nga aramaten ti kabelan ken karakter para iti pagsayaataan dagiti umili ken agtitinnulong para iti progreso, kinatibker ken kinadur-as, saan laeng nga iti agdama nu diketdi para pay kadagiti sumaruno a henerasyon.
