Nakasoanen dagiti pito a kadete iti Philippine National Police Academy (PNPA) a mapapati a karaman iti naranggas a hazing a nagaramat ti muriatic acid kontra iti nasurok 20 plebes idiay Silang, Cavite.
Maibasar ti pakaammo ti Police Regional Office (PRO) 4-A, sumangsango iti panaglabsing ti Republic Act No. 11053 ti lima a 3rd Class Cadets ken dua 2nd Class Cadets.
Karaman kadagiti nakasoan ti maysa a Tactical Officer nga adda ranggona a Police Major ken maysa a Tactical Police Non-Commissioned Officer nga adda ranggona a Police Senior Master Sergeant gapu iti mapapati a pagkurangan ti panagbantay ken pannakaipatungpal iti disiplina.
Naipila ti kaso iti Philippine National Police Criminal Investigation and Detection Group iti opisina iti pisikal idiay Imus, Cavite.
Iti imbestigasyon, rimmuar a napasamak iti insidente idi April 3 iti uneg ti PNPA barracks idiay Silang ket mapapati a tallo a kadete iti direkta a nangisabwag iti muriatic acide kadagiti cadets student.
