Birukan ti pondo ti Commission on Elections ti posible a panagisayangkat ti special elections iti maika-uppat a distrito ti Cavite.
Daytoy ket kasaruno ti pannaka-bakante ti puwesto ni dati a Cavite 4th District Rep. Kiko Barzaga.
Pinasingkedan ni Comelec Chairman Edwin Garcia nga awan ti maipagarup a nakalatang a budget ti poll body para iti nadakamat nga eleksion gapu ta saan a karaman daytoy iti masagsaganaan ita a tawen.
Inlawlawag ni Garcia a masapul nga agisayangkat ti special elections tapno masuposopan ti naka-bakante a puwesto iti Kamara kas panangsurot iti linteg.
Segun pay iti Comelec chair, ti special elections ket masapul a maisayangkat iti saan a bumaba iti innem a pulo nga aldaw ken saan nga lumbes iti siam a pulo nga aldaw manipud idi opisial a naideklarar a bakante ti posision.
