Indeklarar ni Pres. Ferdinand Marcos Jr. ti special non-working days iti sumagmamano a lugar iti pagilian pas panagrambak ken panagselebrar ti local celebrations ken commemorative events.
Pinirmaan ni Pres. Marcos ti Proclamation 1125 idi January 5 a mangideklarar iti February 23 nga special non-working day idiay Baguio City tapno rambakan ti Ibaloi Day, panangdayaw ken panagselebrar ti kultura iti Ibaloi people a maysa kadagiti indigenous groups idiay Cordillera Region.
Pinirmaan pay ti presidente iti Proclamation 1120 a mangideklarar iti January 20 nga special non-working day idiay Lipa City, Batangas Coffee Festival iti siudad a tinawen a selebrasyon tapno bigbigen ti rich coffee-growing tradition iti probinsia ken ti takderna kas maysa a top coffee-producing regions iti pagilian.
Naideklarar met babaen ti Proclamation 1121 iti January 26 kas special non-working day idiay Carigara, Leyte a kasukat iti January 25 a naibatog iti aldaw iti Domingo, napalubosan dagiti residente a makipaset iti maika-455 a tawen a founding anniversary celebration iti ili.
Ti Proclamation 1122 ket special non-working day ta rambakan inton January 23 iti probinsia iti Bulacan iti anibersaryo iti inagurasyon ti First Philippine Republic a napasamak iti Barasaoin Church iti siudad ti Malolos.
Naituding babaen ti Proclamation 1123 ti January 19 kas special non-working day idiay Pagadian City, Zamboanga del Sur para iti tinawen a Pasalamat Festival 2026 a naituding manipod January 12 agingga 19.
Kabayatanna, dagiti Proclamation 1120 agingga 1123 ket pinirmaan ni Pres. Marcos idi December 23, 2025.
