--Ads--
Kinablaawan ni Presidente Ferdinand Marcos Jr ni Pinoy gymnast Carlos Yulo iti pannakagun-odna ti umuna a balitok a medalya ti Pilipinas iti Paris 2024 Olympics.
Dinayaw ti presidente ti umuna a Filipino male gold medalist para iti performance na iti floor exercise iti men’s artistic gymnastics.
Malaksid ken ni Marcos, kimmablaaw pay met ni First Lady Liza Araneta Marcos.
Kabayatanna, nakailanad iti Republic Act 10699 wenno ti National Athletes and Coaches Benefits and Incentives Act a dagiti gold medalist iti international sports competition ket umawat iti sangapulo a milion a pisos manipud iti gobierno, lima a milion a pisos met kadagiti silver medalist ken dua milion a pisos kadagiti bronze medalist.
-- ADVERTISEMENT --
