--Ads--
Inimbitaran ni Presidente Ferdinand Marcos Jr ni Thai Prime Minister Paetongtarn Shinawatra a bumisita iti pagilian.
Ni Department of Foreign Affairs Secretary Enrique Manalo ti nangipatulod iti imbitasyon iti naisayangkat a bilateral meeting kadua ni Thai Foreign Minister Maris Sangiamposa.
Immunan a nagsinnarak da Presidente Marcos ken Thai Prime Minister iti Association of Southeast Asian Nations Summit and Related Meetings idiay Laos idi napan a lawas.
Pinasingkedan ni Paetongtarn a makitinnulong ti gobiernoda kadagiti kaasidegna nga estado tapno mangidatag iti mekanismo a mangrisut iti transnational crimes, pakairamanan ti online fraud ken phone scam.
-- ADVERTISEMENT --
