Ingkari manen ni Pres. Ferdinand Marcos Jr. iti agtultuloy a panangpatibker ti karbengan dagiti overseas Filipino workers (OFW).
Nagsarita ti presidente babaen ti video message bayat ti Konsyerto sa Palasyo: Para sa Ating mga OFWs iti Mabini Grounds idiay Malakanyang nga indauluan ti Office of the President.
Segun ken ni Marcos, karaman dagiti OFW a rason iti panagdur-as iti pagilian isu nga inallukoyna ida nga ipatawid iti lubong iti laing, kinatibker ken kinagaget dagiti Pilipino.
Kinunana a kadagiti pagilian a pappapananna ket adda dagiti gangannaet a mangibagbaga a nalalaing dagiti Pilipino ket nu mangngegna iti dayta, rumagragsak iti pusona.
Impaganetgetna a dagiti Pilipino ket kabaelanna iti makilaban iti sabali a nasyon iti sadinoman a paset iti lubong gapu ti disiplina, gaget ken panagayatda iti pagilian.
