Mapan ni President Ferdinand Marcos Jr. idiay Washington ita nga aldaw para ti official visit-na kagiddan ti pannakikammayet ti administrasyon para ti polisiya a mangkissay ti nangato a taripa iti Philippine exports a sumrek iti American market.
Ti panagbisita ni Marcos ket mangrugi ita nga aldaw agingga inton July 22 nga isun iti maikalima a panagturongna idiay Amerika ken maika-tallopulo ket liman nga overseas trip na manipod nagpresidente idi 2022.
Ni Marcos iti kaunaan a Southeast Asian head of state a naimbitaran a bumisita idiay Amerika manipod nagtugaw iti puesto ni US President Donald Trump ita a tawen ken manamnama a mapasayaat iti alyansa ken nagkadua a pakasaritaan dagiti dua a pagilian.
Numan pay kaalyado ti Pilipinas ti Amerika ket karaman iti pagilian kadagiti naapektaran iti nangato a taripa ti administrasyon ni Trump, ti polisiya a kinuna ni Trump a mangtignay ti trade disparities a mangitunda ti major threat iti ekonomia iti Washington.
Segun ken ni DFA Assistant Secretary for Americans Affairs Raquel Solano, iti agdama ket addan ti grupo ti Philippine trade officials nga addan idiay Washington DC ken mangisaysayangkatdan iti negosasyon.
