VIGAN CITY– Naka-red alert status itatta ti Provincial Disaster Risk Reduction and Management Council (PDRRMC) ditoy probinsya kas panagsagana ti panagduprak ti bagyo Ompong a nakastreken iti Philppine Area of Responsibility (PAR) idi kalman .
Segun kenni PDRRM officer Michael Chan, nakasaganan iti sibubukel a pwersa da, pakairamanan dagiti Municipal Disaster Risk and Reduction Council (MDRRMC) nga agresponde ken dagiti evacuation centers.
Karaman kadagiti nainget a banbantayan ti PDRRMC ket dagiti coastal areas kas ti Caoayan , Narvacan, Santa ken Sta.Maria
Inlawlawag ni Chan nga uray no saan a ditoy probinsiya ti sentro ti bagyo ket mapasaran latta ti napigsa a todo ken angin ta nalawa ti sakupen na ken agpaut ti sumagmamano nga aldaw ta nabontog ti garaw ti bagyo.
Inbalakad ti PDRRM officer kadagiti umili a dumngeg kadagiti damdamag iti radyo ken telebisyon iti kauddian nga update ti bagyo ken sumurot kadagiti ibilin dagiti otoridad kas iti evacuation tapno maliklikan nga agpeggad iti biag.
