Nadundunor dagiti tallo a tattao pakairamanan ti maysa nga ubing gapu iti panagdinnungpar iti nakamotorsiklo ken nakabisikleta iti national highway idiay Barangay Vical, Sta. Lucia, Ilocos Sur idi rabii, March 27, 2026.
Ti nagmaneho it red Rusi motorcycle ket babai nga agtawen iti tallopulo ket uppat, addaan ti expired a driver’s license a taga-Barangay Ayudante, Candon City kaduana ti agtawen iti tallo nga ubing a pinagtugawna iti sangwananna.
Ti nagmaneho met iti bisikleta ket lalaki nga agtawen iti tallopulo ket pito, baro, mechanic nga agnaed idiay Barangay Vical, Sta. Lucia.
Maibasar iti CCTV footage, ti motorsiklo ket agpapabagatan a direksyon idinto a ti bisikleta ket adda met laeng iti shoulder lane nga agturong iti bangir a direkson idin nadanonda iti nasao a lugar ket impadas ti motorsiklo a liklikan ti nakabisikleta iti sangona ngem nagderetso latta iti nakabisikleta a gappuanan iti panagdinnungparda.
Gapu dayta ket agpapada a nadunor dagiti tallo isu a naipanda iti Ilocos Sur Medical Center, Candon City para ti pannakatamingda.
Mapapati nga adda impluwensya iti arak ti nakabisikleta idi napasamak iti aksidente.
