Dakkel ti bimmabaan ti bilang dagiti prank ken fraudulent call iti Unified 911 hotline, segun iti Department of the Interior and Local Government.
Pinasingkedan ni DILG Secretary Jonvic Remulla a resulta daytoy dagiti naipatungpal a system upgrade idi Setyembre, agraman ti geolocation tracking ken caller verification a kabaelanna a kitaen ken i-deprioritize dagiti nadullit a prank callers.
Iti 24th Emergency 911 Commission Conference, 872,586 manipud iti 884,809 a tawag manipud Setyembre 8-24 ti balligi a nasungbatan katukad iti 98.62 percent nga efficiency rate.
1,495 laeng dagiti prank calls, idinto a 12,223 met dagiti dropped wenno abandoned calls.
Pinalagipan ni Remulla ti publiko nga aramaten a responsable ti hotline, t6a dagiti prank call ket mabalin a makataktak kadagiti pudno nga emergency.
