VIGAN CITY – Naisayangkat ti sanitary inspection iti poultry kadagiti barangay idiay Namalpalan, Magsingal ken uray dagiti kabangibangna pay a barangay.
Dayta ket gapu iti panagreklamo dagiti dadduma nga agindeg iti kinaadu ti ngilaw iti pagtaengandan a sumsumrek agsipud ti manarimaan iti panag-harvest ita kadagiti manok.
Iti pannaki-uman ti Bombo Radyo Vigan ken ni Namalpalan Barangay Captain Richard Battad, dagus nga indatagda daytoyen ken ni Mayor Alrico Favis ket imbilinna ti inspeksyon.
Naibilin pay kadagiti barangay officials nga imonitorda ti sitwasyon iti lugarda ket siguradoenda a masurot ti husto a pagannurotan iti panagharvest.
Nupay kasta, kiddaw ni Brgy. Capt. Battad kadagiti agindeg iti pannakitinnulongda tapno maksayan ti ngilaw iti lugarda.
