Dua ti nadangran iti napasamak nga aksidente idiay Barangay Lussoc, ili ti Sto. Domingo a nakairamanan dagiti dua a lugan.
Ti nagmaneho ti Suzuki Skydrive ket agtawen iti sangapulo ket siam, estudyante, awan ti valid drivers license na, residente ti Barangay Tamorong, Sta. Catalina, kalubbonna ti agtawen iti sangapulo ket siam , residente ti Barangay Macaoayan Burgos.
Ti met nagmaneho ti Toyota Vios ket agtawen iti limapulo ket dua, kalugan na ti agtawen iti sangapulo ket lima, agpada a residente ti Barangay Binongan Sto. Domingo.
Maibasar iti imbestigasion, agpada nga agpapa-abagatan a direksion dagiti dua a lugan no sadino akinsango ti Toyota.
Idi madanon da ti nakapasamakan ti insidente, pinadas ti motorsiklo nga i-overtake ti Vios ket bayat iti proseso ti panag-overtake, saan a natantsa ti motorsiklo ket aksidente a nadungpar na ti kotse.
Gapu dayta, nadunor iti agduduma a paset ti bagi dagiti nagkalubbon iti motorsiklo a dagus da a naipan iti balay pagagasan para ti naan-anay a pannakatamingda.
Saan met a naan-ano dagiti nakalugan iti kotse iti napasamak nga aksidente.
