Nagpatang iti telepono da Pope Leo XIV ken ni Israel President Isaac Herzog tapno pagpatangan ken leppasenen ti agtultuloy a riribuk iti Middle East idi Biernes, Abril 3.
Nakumpirmaran daytoy babaen iti maysa nga statement nga inruar ti Holy See Press Office, ket impaganetget ti Santo Papa ken ni President Herzog ti pagkasapulan a malukatan manen amin a posible a linya ti diplomatiko a dayalogo tapno maisardeng ti riribuk.
Gagem ti patangan ti lider ti Simbaan Katolika ken Israel a makasarak iti wagas para iti maysa a natibker ken napaot a kappia iti rehion, nangruna iti konteksto ti agtultuloy a ririnbuk.
Nagleppas ti patangan babaen ti panangiyunay-unay ti Santo Papa ti kinapateg ti panangsalwada kadagiti sibilian ken panangrespeto iti international humanitarian law.
