Nangilatang ni Pope Leo XIV iti pakpaka-una nga emergency aid nga aggatad iti €100,000 wenno nasurok-kumurang $114,000 para kadagiti biktima iti napigsa a ginggined idiay Venezuela.
Segun ti Vatican, agtaud ti pondo iti Apostolic Almonry, ti opisina a mangidadaulo para kadagiti napintas nga aramid kadagiti komunidad nga agkasasapulan.
Kinuna Vatican a ti nasao a gatad ket pakpaka-una a tulong laeng para iti insigida a relief and rescue operation para kadagiti nadidigra.
Maipalagip a dinayyeg ti Venezuela ti agsaruno a ginggined nga adda kapigsa a magnitude 7.2 ken 7.5.
Gapu dayta ket umaboten iti saan a nababbaba iti 164 a tattao iti nataykas maibasar ti pakaammo dagiti otoridad.
Agtultuloy latta a masapsapul ken panang-rescue kadagiti posible a nakalasat kadagiti apektado a lugar bayat a maad-adal no kasano kalawa ti nadadael iti imprastraktura ken pagsapulan.
