Saan a maibilang a nakapoy gapu ta umabot iti 5, 000 dynasty dagiti political families ti maapektaran iti oras nga agbalin a linteg ti maidurduron nga Anti-Political Dynasty Bill, segun ken ni House Committee on Suffrage and Electoral Reforms Chairperson Rep. Zia Alonto Adiong.
Kinuna ni Adiong a ti addang ket kas depensa iti inaprubaran nga House Bill No. 8389 wenno An Act Prohibiting Political Dynasties in National and Local Elective Offices.
Pinasingkedan ti opisial a ti inaprubaran ti komite na ket bersion ti napigsa ken basar iti panagadal ti Socioeconomic Research Bureau (SERB) iti salinong ti Congressional Policy and Budget Research Department (CPBRD) ti House of Representatives.
Marugyan ton ti plenary debate para iti inaprubaran nga House Bill 8319.
