Namnamaen dagiti bangko a pagtalinaeden ti Bangko Sentral ng Pilipinas (BSP) iti agdama a policy rates kadagiti sumarsaruno a bulan ngem posible pay iti maudi a kissay depende iti kasasaad iti ekonomia ken inflation.
Segun ti Citigroup, ti kangrunaan a namnamaenda ket ti temporaryo a panagsardeng pay laeng ti rate cuts kalpasan iti 25-basis-point a kissay idi Pebrero.
No pay kasta ket posible pay laeng iti baro a kissay inton Abril no saan nga insigida a sumayaat ti ekonomia.
Imbaba ti BSP ti benchmark rate iti 4.25% a gappuanan iti 225 basis points a kissay manipod August 2024 a naaramid gapu iti nabuntog a panagregta ken panagkapsot ti confidence.
Iti baet nga impangato ti BSP ti inflation forecast para iti 2026 iti 3.6% gapu iti supply-side pressures, mapapati nga agtalinaed a kontrolado ken manamnama a maisubli iti dandani 3% target inton 2027.
