VIGAN CITY – Nangato ti moral dagiti miyembro ti Santa municipal police station gapu ti dua a pammadayaw a nagun-od da idi bimmisita dagiti inspectors ti NAPOLCOM idi napalabas a bulan.
Inpannakkel ni Police Major Rodel Del Castillo a nagun-od da ti pammadayaw kas “cleanest and most orderly police station” ken best WCPD office iti intero a probinsiya.
Patien ni del Castillo a malaksid iti kanayon a panagdalus dagiti personnel da, posible a nakatulong pay tapnu ad-adda a maala da dagiti nasao a pammadayaw iti baro a police station nga ayan da iti agdama.
Kabayatanna, saan a ninamnama ni Chief of Police ti Sugpon a ni Roldan Rasonable a mapadayawan isuna kas Best of Chief of Police iti intero a probinsiya.
Segun ken ni Rasonable, maysa bulan a nag-inspection ti Regional Office ti Napolcom manipud iti May 1 agingga May 31 iti agdama a tawen tapnu kitaen da dagiti naduma-duma a police station ti Ilocos Sur.
Dakkel iti pammati ni Rasonable a dakkel a tulong ti pannaka-simpa ti rangtay iti ili ti Sugpon isu a nalaka laeng ti panagbyahe dagiti opisyal ti Napolcom tapnu mainspeksyon ti istasyon da.
