--Ads--
Nalpasen ti Philippine National Police ti imbestigasion iti pammaltog a napasamak idiay Ateneo de Zamboanga University ngem saan pay a mairruar iti publiko ti report gapu ta kasapulan pay a dumalan, iti final interview.
Segun ken ni PNP Public Information Office chief Col. Allen Rae Co, maipasa ti investigation report ken ni PNP Chief Gen. Jose Melencio Nartatez Jr. para iti final verification ken approval.
Imbilin ni Nartatez a mangted ti kopya iti amin a concerned institutions, pakairamanan ti Ateneo de Zamboanga University.
Naisayangkat ti imbestigasion kasaruno ti pammaltog idi Agosto 18 iti Junior High School campus ti unibersidad, no sadino dua ti natay, pakairamanan ti estudyante a suspek.
-- ADVERTISEMENT --
