VIGAN CITY – Saan a nagliway iti panangpalagip ti 103rd PNP Maritime kadagiti mapan agdidigos idiay Barangay Mindoro, Vigan City , nangruna nu napigsa ti dalluyon tapnu saan da a maisagmak.
Naibaga ni Police Chief Master Sergeant Danilo Tolentino, deputy chief ti PNP Maritime, nga adayo iti opisina da iti lugar a nagdigusan ti grupo da Fernan Frial nga agtawen iti sangapulo ket siyam a taga- Calungboyan, Santa kenni Angelo Rafael nga agtawen iti dua pulo ket uppat idi July 13 isu a saan da a naparitan ida a mapan agdigos nangruna ket dadakkel iti dalluyon iti baybay.
Pinasingkedan met ni Barangay Captain Benjamin Ablog a ti lugar a napan nagdigosan dagiti dua ket napigsa ti kuryente na ken agal-alikuno nga isu iti posible a rason nu apay a ngan-ngani nalmes ni Frial a naisalakan dagiti rescuers nga insigida idi kalman ken nakalmesan ni Rafael a nasarakan laengen a tumtumpaw iti bangkay na iti met laeng nasao a baybay.
Saan a ninamnama ni Lailani Frial a paypaysoen ti anak na a ni Fernan iti inpakada na a mapan da agdidigos iti baybay kadua na ti kasinsin na a ni Rafael ken dua a sabali pay.
Ti biyang ni Fernan, inbaga na nga inaramid na amin a kabaelan na tapnu maisalakan ni Rafael ngem gapu ti kinapigsa iti kuryente ti baybay ket naibbatan na a rason nu apay a nalmes ti biktima.
